كِشِكْ و مريسَه
كِشِكْ الحاره زاكي
وكِشِكْ الغُربَه ازّكى
سِتّي و إِمّي عَجَنوا
مَرْتْ عَمِي وخالي
عِمْلوا كِشِكْ
واحنا كمان عَجَنّا
واعّمِلْنا كِشِكْ الغُربَه
شهرين... مره لَبَنْ
ومره طحين أبيض
و مره طحين أسمر
كل يوم تحريك و تِزْبيط
وفي الآخر عين جَرَادَه
وفِلفِل...
وبعدين قَرّصْ... الكَعِبْ
جَنْب الكَعِبْ ...
صَفْ جَنْب صف...
ولمّا يِنشَف لُمْ و خَزِنْ
وكول واعمل مريسة
و خَزينْ الصيف ينفع
للشتا...وصحتين وعافيه
وكل سنه وانتو سالمين
وكل كشك وانتو بخير
أكعاب (كعوب) الكِشِكْ – مرحلة التنشيف
جني محصول الكِشِكْ(شهي و لزيز)
صاحبة الجلالة، سِتّ السّتات (الزِبّدِيَة)
كِشِكْ وزيت
مريسَة جاهزة(قحمش خبز وافطر)